11 | 12 | 2017
Hauptmenü
Archiv
Zufallsbild
DSC01985.jpg
Wer ist online?

Aktuell sind 84 Gäste und keine Mitglieder online

Syndicate Feed
(C) Stupferich.org
Copyright © 2017 Stupferich.org. Alle Rechte vorbehalten.
Joomla! ist freie, unter der GNU/GPL-Lizenz veröffentlichte Software.
Neue Artikel

Alderle ! D´Wahle sin rum!!!

 

26.5.2014

Geschdern, so gege ½ 1 simma glei, nachdem´mer ä Woch im scheene Allgäu ware, wähle gange. Im Wahlraum had´mer d´Irene s´Kuveer un den Zeddel fir d´Europa-Wahl ind Hand driggd. Weile im Urlaub was g´heerd häb von Schdupfericher Wahlschbende, häwwe´se g´froogd, wo des Kässle schdehd, wo´e mei 2,40 € neischmeiße kann. S´war awwa koins do!

 S´isch noch ziemlich frieh em Mondag Morje, d`Zeidung isch no ned do, wedda Radio, Fernseh noch Inderned geh´n. Also hoggsch do un waisch ned, wie se ausgange sin – die Wahle. Mid´em Ergebnis von de Ordschafdsradswahl werd´s ohnehin noch ä Weile dauere.

Wenn die ledschde Johr bei uns in Schdupferich verfolgd hasch, dann musch´de ohnehin froge, was des soll. Karlsruh had rund 300.000 Einwohner un mir ned ämol 3.000. Des isch wie än Blinddarm, än Wurmvordsadz von de Schdad uff de Berg nuff. Nadierlich fiehle mir uns im scheenschde Schdadtteil ned so, wenn awwa siehsch, was so alles ned gehd, dann kenndsch´s awwa faschd moine.

Also, wenn wenigschdens ä bissel was geh soll, dann missed die, die´mer geschdern g´wähld hen wie än Oinser z´samme schdeh un unsere Indresse verdräde. Was hen´se awwa g´machd, die ledschde Johr: Ausänanna dividierd, weil die Oine g´moind hen, sie misse besser do schdeh wie die Annere.

S´werd Zeid, dass domid jedzd endlich Schluss isch!!!

Reißed Eich z´samme un sedzed Eich fir Schdupferich gemoinsam ei! Uns Bierger isches scheißegal von wem was uff de Weg gebrochd worre isch, Haubdsach s´laafd was. Fir Machd zu demonschdriere odda Profilneurose auszuläbe isch de Ordschafsrad ned do. Eich hemma g´wähld, dass´der fir uns Schdupfericher do sin!

„Gemoinsam“, des isches. Wenn des richdig machsch, dann kommd a fir alle was Gscheids raus. Mir wär´s em liebschde, wenn´der bei de nägschde Wahl oi Lischd mache däde: „Gemoinsam fir Schdupferich“. Dann kenndäd´er a annere Dinge z´samme mache, wie z.B. gemoinsam singe und Karde schbiele, Kuldurveroschdaldunge abhalde, d´Kärwe feiere un - schbende.

A propos schbende: Bei dä nägschde Wahl kenndäd d´Veroi vorrem Gemoindezendrum ä Feschdle mache, d´Schul kennd widda Kuche verkaafe un die, die g´wähld worre sin, kenndäd des, was als G´winn erzield worre isch, mid´ere Schbende verdobble!

Des wär´s doch – odda ned?!

Eier Alderle

 

Suchen
Sponsoren
Vereine
Wir helfen
Gegen Extremismus
Für Menschenrechte